FELAGS FORELDRAFUNDURIN AVLÝSTUR

Góðu foreldur,

Orsaka av corona, er felags foreldrafundurin, ið vanliga verður hildin um heysti, avlýstur í ár. 

Starvsfólkið er tó altíð til reiðar til eitt prát, um tørvur er á tí :) 

Katrin 

RÁÐLEGGINGARDAGUR 11.SEPTEMBER 2020

Góðu foreldur

Fríggjadagin 11.september 2020 er ráðleggingardagur og tá er stovnurin stongdur.

Vinaliga

Katrin

CORONA KUNNING - 13.august 2020

Dagstovnarnir í Tórshavnar kommunu fara eftir ætlan at lata varisliga uppaftur mánadagin 17. august 2020 vanligu upplatingartíðirnar. Frítíðarskúlarnir lata eisini upp samstundis sum skúlarnir týsdagin 18. august 2020, og ungdómstilboðini fara eisini at byrja aftur.

Koronaráðgevingin metir ráðiligt at lata uppaftur í komandi viku samsvarandi teimum vegleiðingum frá Koronaráðgevingini, sum dagstovnaøkið virkaði eftir áðrenn summarfrítíðina, sí leinki niðanfyri.

Kommunan hevur í hesum sambandi skipað fyri kanningum av starvsfólkunum til tess at geva størst møguliga trygd fyri, at starvsfólkini ikki hava koronasmittu, nú stovnarnir lata uppaftur.

Fyrireikað verður eisini skipan, har starvsfólk á dagstovnaøkinum regluliga kunnu lata seg kanna komandi tíðina.

Ávísir stovnar kunnu verða noyddir at hava skert virksemi eitt nú um starvsfólk ikki eru tøk vegna sóttarhald. Um so er, fáa foreldur boð um tað frá avvarðandi dagstovni.

Kommunan fylgir neyvt við, hvørjar heilsufakligar tilráðingar eru, og neyðug tiltøk verða sett í verk út frá hesum. Sum omanfyri nevnt verður virksemið á stovnunum skipað eftir galdandi tilmælum frá Koronaráðgevingini. 

CORONA KUNNING - 07.08.20

Góðu foreldur,

Smittustøðan og stóra ógreiðan um útlitini hevur við sær, at avgerð er tikin um at steingja allar dagstovnarnar í kommununi fyribils fram til 17. august.

Fleiri av dagstovnunum eru longu raktir av smittu í starvsfólkahópinum og millum foreldur. Kommunan metir neyðugt at taka hesi atlit við verandi smittustøðu. 

Frá týsdegnum 11. august fer kommunan tó at hava ein ella tveir stovnar opnar til neyðansing. Støða verður tikin til, hvørjir stovnar kunnu hava opið. Børn í neyðansing koma sostatt í flestum førum ikki at vera á teirra vanliga stovni.

Talan verður bert um tørv, sum er at meta sum alneyðugur til tess at hava týðandi funktiónir í gongd innan heilsuverkið, eldraøkið, almannaverkið og tilbúgving.

Til ber at melda til á bornogung@torshavn.fo, har upplýst navn og føðingardag hjá á barni, navn á dagstovni, ið barnið er á, og grundgeving fyri tørvi á neyðansing. Kommunan tekur í hvørjum einstøkum føri avgerð um, hvør tørvur verður mettur alneyðugur at fáa barnið í ansing.

Starvsfólk, sum skulu til arbeiðis á dagstovni í næstu viku, verða testað.

Heitt verður inniliga á øll foreldur um at hava børnini heima.

CORONA KUNNING 13.03.20

Góðu foreldur

Kunningin frá Barna- og Ungdómsdeildini í Tórshavnar Kommunu, er hendan:

Frá mánadegnum 16.03.20, verður dagstovnavirksemið bert opið fyri børnum hvørs foreldur av neyðsynjar arbeiði hava tørv á dagstovnavirksemi til teirra børn.

- Hetta er galdandi fyri børn í vøggustovu og barnagarðsaldri, tey ið lúka hesi krøv. 
- Børn í forskúlaaldri kunnu koma í forskúla fyrrapart og í frítíðarskúla seinnapart, tey ið lúka hesi
  krøv. 
- Børn í frítíðarskúlaaldri, 1. og 2. flokkur, kunnu koma í skúla fyrrapart og í frítíðarskúla  seinnapart, tey ið lúka hesi krøv. 
- Frítíðartilboði til 3. floks børn, kunnu koma í skúla fyrrapart og í frítíðartilboð seinnapart, tey ið lúka krøv. 
- Ungdómshúsini eru ikki opin.

Í hesum sambandi skulu foreldur, ið hava tørv á dagstovnavirksemi, boða frá hjá dagstovnaleiðaranum, nær tey hava tørv á dagstovninum og við hvørji orsøk. Hetta skulu foreldur gera í seinasta lagi kl. 13 fríggjadagin 13.03.2020, so virksemið kann skipast. 

Dagstovnaleiðarin á hvørjum stovni skipar virksemi soleiðis, at hesi eru undir mest møguligari trygd og minst møguligan ampa fyri børn og starvsfólk. 

FRÍDAGAR 2020

Páskafrítíðin: hósdag 9. apríl – mánadag 13. apríl.          

Dýri Biðidagur: fríggjadag 8. mai. 

Kristi Himmalferðardagur: hósdag 21. mai

2. Hvítusunnudagur: mánadag 1. juni

Grundlógardagur: fríggjadag 5. juni (opið til kl.12.00)

Summarfrítíðin: vikur 29, 30, 31